ئىزاھات

ئايەتنىڭ «كۈندۈزنىڭ ئىككى تەرىپىدە» دەپ تەرجىمە قىلىنغان قىسمى «تەرەفەيىنناھار»دۇر. تەرەفەيىنناھار ئىزافەتلىك بىرىكمە بولۇپ، بۇ بىرىكمىدە مۇزافۇ «تەرەفەي» دۇر. تەرەفەي، «تەرەف» كەلىمىسىنىڭ ئىككىلىك شەكلى بولۇپ، تەرەپ كەلىمىسى ئەرەبچىدە بىر تەرەپ، بىر توپ، بىر تۈركۈم، چېگرا، يان دېگەن مەنىلەردە كېلىدۇ (خەلىل ئىبنى ئەھمەد، «طرف»، 7: 414؛ ئىبنى فارىس، «طرف»، 3: 447؛ راغىب ئىسفەھانى، «طرف»، 517؛ ئىبنى مەنزۇر، «طرف»، 9: 216 - 217). بۇ كەلىمە قۇرئان كەرىمدە مۇزاف (ئېنىقلانغۇچى) بولۇپ كەلگەندە مۇزافۇن ئىلەيھ (ئېنىقلىغۇچى)نىڭ بىر پارچىسى بولۇپ كېلىدۇ (مۇناسىۋەتلىك ئايەتلەر: 3 - سۈرە ئال ئىمران،127 - ئايەت؛ 13 - سۈرە رەئد، 41 - ئايەت؛ 20 - سۈرە تاھا، 130 - ئايەت؛ 21 - سۈرە ئەنبىيا، 44 - ئايەت). شۇنىڭ ئۈچۈن كۈندۈزنىڭ بۇ «ئىككى تەرىپىدە» ئوقۇلۇشى پەرز بولغان ئىككى ۋاقىت ناماز بامدات بىلەن نامازشام ئەمەس، پېشىن بىلەن نامازدىگەردۇر. چۈنكى بامدات ۋە نامازشامنىڭ ۋاقىتلىرى كېچىگە تەۋە ۋاقىتلاردۇر. بۇ ۋاقىتلارغا كۈندۈزنىڭ تەرەپلىرى دېيىلمەيدۇ.‏
15

Quran Uyghur Translation - www.uyquran.com - قۇرئان كەرىم ئۇيغۇرچە ئىزاھلىق تەرجىمىسى تور بىكىتى