ئىزاھات

ئۇممىي، ئانىسىدىن تۇغۇلغان پېتى قالغان، بىر نەرسە ئۆگەنمىگەن كىشى، ئوقۇش - يېزىشنى بىلمەيدىغان كىشى دېگەن مەنىلەردە كېلىدۇ (راغىب ئىسفھانى، «أم»، 87؛ ئىبنى مەنزۇر، «أم». 12: 34). رەسۇلۇللاھ ئەلەيھىسسالام ئوقۇش ۋە يېزىش بىلمىگەنلىكى ئۈچۈن (قاراڭ: 29 - سۈرە ئەنكەبۇت، 48 - ئايەت) ئۇممىي دەپ ئاتالغان (قاراڭ 7 - سۈرە ئەئراف، 157~ 158 - ئايەتلەر). بۇ يەردىكىلەر بولسا، ئوقۇغان كىتابىنىڭ ئىچىدە نېمە بارلىقىنى بىلمىگەنلىكى، پەقەت لەۋزىنى ئوقۇشنىلا بىلگەنلىكى، ئۇلارنىڭ بىلىدىغىنى، پەقەت موللىلىرىدىن ئاڭلىۋالغان «ئاتا - بوۋىلىرىمىز بىزگە شافائەت قىلىدۇ، دوزاختا بىرقانچە كۈنلا كۆيىمىز، بىز ئاللاھنىڭ دوستلىرى، ئاللاھ گۇناھلىرىمىز تۈپەيلىدىن بىزنى جازالىمايدۇ، جەننەتكە پەقەت يەھۇدىيلار كىرىدۇ» دېگەن يالغان - ياۋىداق سۆزلەر بولغانلىقى ئۈچۈن ئۇممىي ھېسابلانغان (ئەبۇ جەئفەر مۇھەممەد ئىبنى جەرىر تەبەرى، جامىئۇل بايان فى تەئۋىلىل قۇرئان ‹بېيرۇت: مۇئەسسەسەتۇر رىسالە، 1420 هـ - 2000 م›، 2: 257؛ ئەبۇلقاسىم مەھمۇد ئىبنى ئەمر ئىبنى ئەھمەد زەمەخشەرى، ئەلكەششافۇ ئەن ھەقائىقى غەۋامىزىتتەنزىل ‹بېيرۇت: دارۇلكۇتۇبىل ئەرەبىي، ھ 1407›، 1: 157؛ فەخرۇددىن رازى، مەفاتىھۇل غەيب - تەفسىرى كەبىر ‹بېيرۇت: دارۇ ئىھيائىتتۇراسىل ئەرەبىي، ھ 1420)، 3: 564›).‏
25

Quran Uyghur Translation - www.uyquran.com - قۇرئان كەرىم ئۇيغۇرچە ئىزاھلىق تەرجىمىسى تور بىكىتى