ئىزاھات

‎‏ بۇ يەردە «سىققۇچىلار» دەپ تەرجىمە قىلىنغان سۆز، «ئەلمۇئسىرات» دېگەن سۆزدۇر. بۇ سۆزنىڭ بۇ يەردىكى مەنىسى، سۇ بىلەن زىچلاشقان بۇلۇتلار، شاماللار تەرىپىدىن سىقىلغۇچى بۇلۇتلار، يامغۇر ياغدۇرۇش ۋاقتى كەلگەن بۇلۇتلار دېگەنلەردىن ئىبارەت. بۇ يەردىكى مۇئسىرات سۆزىگە 30- سۈرە رۇمنىڭ 48- ئايىتىگە ئاساسلىنىپ «بۇلۇتلارنى ھەيدىگۈچى شاماللار» دەپ مەنا ئېيتقانلارمۇ بار. ئۇ ئايەت (تەرجىمىسى) مۇنداق: «ئاللاھ شۇنداق زاتكى، شاماللارنى ئەۋەتىدۇ. شاماللار بۇلۇتلارنى قوزغايدۇ. ئاللاھ ئۇ بۇلۇتلارنى ئاسماندا خالىغىنى بويىچە يايىدۇ ۋە پارچە-پارچە قىلىدۇ. ئاندىن سەن ئۇلارنىڭ ئارىسىدىن يامغۇرنىڭ چىققانلىقىنى كۆرىسەن. ئاللاھ خالىغان بەندىلىرىگە بۇ يامغۇرنى يەتكۈزگەندە، ئۇ بەندىلەر سۆيۈنۈپ كېتىدۇ». ئۇلار مۇنداق دەيدۇ: يامغۇر شامالدىن ياغمايدۇ، لېكىن شامال ھەيدەپ كەلگەن بۇلۇتلاردىن ياغىدۇ- (قاراڭ: رازى، زەمەخشەرى، بەيزاۋى، بۇ ئايەتنىڭ تەفىسىرى).
3

Quran Uyghur Translation - www.uyquran.com - قۇرئان كەرىم ئۇيغۇرچە ئىزاھلىق تەرجىمىسى تور بىكىتى