ئىزاھات

‎‏ بۇ ئايەتلەر مۇنافىقلارنىڭ تەبۇك ئۇرۇشىغا چىقىشنىڭ ئالدىدىكى پوزىتسىيەلىرىنى بايان قىلىدۇ. تەپسىرلەردە بۇ كىشىنىڭ جىد ئىبىن قەيس ئىسىملىك مۇنافىق ئىكەنلىكى، ئۇنىڭ بۇ سۆزىنىڭ ئاساسەن تۆۋەندىكى مەنىلەرنىڭ بىرىدە بولۇش ئېھتىماللىقى زىكىر قىلىنىدۇ:1 - سەن ماڭا رۇخسەت بەرسەڭمۇ، رۇخسەت بەرمىسەڭمۇ ئۇرۇش قىلىشقا بارمايمەن، شۇنىڭ ئۈچۈن ماڭا رۇخسەت بەرگىن ۋە مېنى گۇناھكار قىلمىغىن (يەنى سېنىڭ رۇخسىتىڭنى ئالماي قېلىپ قالسام، ساڭا ئاسىيلىق قىلىش گۇناھىنى قىلغان بولىمەن. سەن بۇ گۇناھنى قىلىشىمغا سەۋەبچى بولمىغىن). 2 - ماڭا رۇخسەت بەرگىن ۋە مېنى قىينىمىغىن. چۈنكى بۇ قاتتىق ئىسسىق بولىدىغان ۋاقىتتۇر، مەن ئسسىققا چىدىيالمايمەن. 3 - ئۇرۇش قىلىشقا بارسام مال - مۈلكۈم ۋە ئائىلەم زايە بولۇپ كېتىدۇ. ئۇنىڭ ئۈچۈن ماڭا رۇخسەت بەرگىن ۋە مېنىڭ خانىۋەيران بولۇپ كېتىشىمگە سەۋەبچى بولمىغىن.... - (ئەبۇ جەئفەر تەبەرى، جامىئۇل بەيان فى تەئۋىلىل قۇرئان، 14: 288؛ فەخرۇددىن رازى، مەفاتىھۇل غەيب، 16: 65).‏
5

Quran Uyghur Translation - www.uyquran.com - قۇرئان كەرىم ئۇيغۇرچە ئىزاھلىق تەرجىمىسى تور بىكىتى