تۇر تېغى بىلەن،
|
1
|
يېزىلغان كىتاب بىلەن
|
2
|
يېيىلغان قەغەزگە،
|
3
|
بەيتىلمەئمۇر بىلەن،
|
4
|
كۆتۈرۈلگەن تورۇس بىلەن،
|
5
|
ۋە ياندۇرۇلغان دېڭىز بىلەن قەسەمكى،
|
6
|
رەببىڭنىڭ ئازابى ئەلۋەتتە ئەمەلگە ئاشىدۇ.
|
7
|
ئۇنىڭغا ھېچبىر توسالغۇ بولغۇچى يوق.
|
8
|
ئۇ كۈنى ئاسمان قاتتىق تەۋرەيدۇ،
|
9
|
تاغلار ئورۇنلىرىدىن قوزغىلىپ يۈرۈپ كېتىدۇ.
|
10
|
ئەنە شۇ كۈنى راستنى يالغان دېگۈچىلەرنىڭ ھالىغا ۋاي!
|
11
|
ئۇلار ئازغۇنلۇققا چۆمۈپ ئوينىغان كىشىلەردۇر.
|
12
|
ئۇ كۈنى ئۇلار جەھەننەم ئوتىغا قاتتىق ئىتتىرىلىدۇ.
|
13
|
ئۇلارغا مۇنداق دېيىلىدۇ: «مانا بۇ سىلەر يالغان دېگەن ئوتتۇر.
|
14
|
بۇ سېھىرمىكەن ياكى سىلەر كۆرمەيۋاتامسىلەر؟
|
15
|
ئۇنىڭغا كىرىپ كۆيۈڭلار. سەۋر قىلساڭلارمۇ ياكى سەۋر قىلمىساڭلارمۇ سىلەر ئۈچۈن بەرىبىر. سىلەرگە پەقەت ئۆز قىلمىشىڭلارنىڭ جازاسى بېرىلىدۇ».
|
16
|
شۈبھىسىزكى، تەقۋادارلار جەننەتلەرگە كىرىدۇ ۋە نازۇنېمەتلەرگە ئېرىشىدۇ،
|
17
|
رەببى ئاتا قىلغان نەرسىلەر بىلەن ھۇزۇرلىنىدۇ، رەببى ئۇلارنى دوزاخ ئازابىدىن ساقلايدۇ.
|
18
|
ئۇلارغا: «يەڭلار، ئىچىڭلار، مەززىلىك بولسۇن. چۈنكى سىلەر ئەمەل قىلغان ئىدىڭلار» دېيىلىدۇ.
|
19
|
ئۇلار قاتار تىزىلغان تەختلەر ئۈستىدە يۆلىنىپ ئولتۇرىدۇ. بۇنىڭ بىلەن بىرلىكتە بىز ئۇلارغا شەھلا كۆزلۈك ھۆرلەرنى ھەمراھ قىلىپ بېرىمىز.
|
20
|
ئىمان ئېيتقان ۋە ئەۋلادلىرى ئىمان بىلەن ئىزىنى باسقان كىشىلەرگە كەلسەك، بىز ئۇلارغا ئەۋلادلىرىنى قوشىمىز، ئۇلارنىڭ ئەمىلىدىن ھېچ نەرسە كېمەيتىۋەتمەيمىز. ھەر ئىنسان ئۆز قىلمىشى تۈپەيلىدىن گۆرۈگە ئېلىنغۇچىدۇر.
|
21
|
ئۇلارنى كۆڭلى تارتقان مېۋە ۋە گۆش بىلەن تەمىنلەيمىز.
|
22
|
ئۇلار جەننەتتە بىر - بىرىگە قەدەھ تۇتىشىدۇ. ئۇ قەدەھلەردىكى شارابلار ھەم بىھۇدە سۆزلەتمەيدۇ، ھەم گۇناھكار قىلمايدۇ.
|
23
|
ئۇلارنىڭ ئەتراپىدا غىلمانلىرى ئايلىنىپ تۇرىدۇ. ئۇ غىلمانلار گويا سەدەپنىڭ ئىچىدىكى مەرۋايىتقا ئوخشايدۇ.
|
24
|
ئۇلارنىڭ بەزىسى بەزىسىگە بۇرۇلۇپ، بىر - بىرىدىن سورىشىدۇ.
|
25
|
ئۇلار مۇنداق دەيدۇ: «بىز ئىلگىرى ئائىلىمىزنىڭ ئىچىدىكى چېغىمىزدا قورقاتتۇق.
|
26
|
ئاللاھ بىزگە ياخشىلىق قىلدى، بىزنى زەھەرلىك ئازابتىن ساقلىدى.
|
27
|
بىز ئىلگىرى ئاللاھقا دۇئا قىلاتتۇق. شۈبھىسىزكى، ئاللاھ ياخشىلىق قىلغۇچىدۇر، كۆپ ئىنئام قىلغۇچىدۇر».
|
28
|
ئى مۇھەممەد! ئەسلەتكىن. سەن رەببىڭنىڭ نېمىتى بىلەن كاھىنمۇ ئەمەس، جىن چاپلىشىۋالغان ئادەممۇ ئەمەس.
|
29
|
ياكى ئۇلار سەن توغرۇلۇق: «ئۇ شائىردۇر، ئۇنىڭ زاماننىڭ ھادىسىلىرىگە يولۇقىشىنى كۈتۈۋاتىمىز» دەمدۇ؟
|
30
|
ئېيتقىنكى: «كۈتۈڭلار، مەنمۇ سىلەر بىلەن بىرلىكتە كۈتكۈچىلەردىنمەن».
|
31
|
ياكى ئۇلارنى بۇنىڭغا ئۇلارنىڭ ئەقىللىرى بۇيرۇۋاتامدۇ؟ ياكى ئۇلار ھەددىدىن ئاشقۇچى قەۋممۇ؟
|
32
|
ياكى ئۇلار: «قۇرئاننى مۇھەممەد ئۆزى توقۇدى» دەمدۇ؟ ياق، ئۇلار ئىشەنمەيدۇ.
|
33
|
ئۇنداق بولسا، ئۇلار قۇرئانغا ئوخشاش بىرەر سۆز كەلتۈرۈپ باقسۇن! ئەگەر راستچىل بولسا.
|
34
|
ياكى ئۇلار ھېچ نەرسىسىز يارىتىلدىمۇ؟ ياكى ئۇلار ئۆزلىرى ياراتقۇچىلارمۇ؟
|
35
|
ياكى ئاسمانلارنى ۋە زېمىننى ئۇلار ياراتتىمۇ؟ ياق، ئۇلار جەزمەن ئىشەنمەيدۇ.
|
36
|
ياكى رەببىڭنىڭ خەزىنىلىرى ئۇلارنىڭ يېنىدىمۇ؟ ياكى كائىناتنى باشقۇرۇش ئۇلارنىڭ ئىلكىدىمۇ؟
|
37
|
ياكى ئۇلارنىڭ بىر شوتىسى بارمۇكى، ئۇلار ئۇ شوتىدا يۈكسىلىپ سۆز تىڭشايدۇ؟ ئەگەر ئۇنداق بولسا، ئۇلارنىڭ تىڭشىغۇچىسى روشەن دەلىل كەلتۈرسۇن.
|
38
|
ياكى قىزلار ئاللاھنىڭ، ئوغۇللار سىلەرنىڭمۇ؟
|
39
|
ئى مۇھەممەد! ياكى سەن ئۇلاردىن تەبلىغ ئۈچۈن ھەق تەلەپ قىلىپ، ئۇلار ئېغىر قەرز ئاستىدا قالدىمۇ؟
|
40
|
ياكى غەيب ئۇلارنىڭ يېنىدىمۇكى، ئۇلار يېزىۋالىدۇ؟
|
41
|
ياكى ئۇلار تۇزاق قۇرماقچى بولۇۋاتامدۇ؟ كافىرلار تۇزاققا ئۆزلىرى چۈشىدۇ.
|
42
|
ياكى ئۇلارنىڭ ئاللاھتىن باشقا ئىلاھى بارمۇ؟ ئاللاھ ئۇلار شېرىك قىلغان نەرسىلەردىن پاكتۇر.
|
43
|
ئۇلار ئەگەر ئاسماندىن بىرەر پارچە چۈشكەنلىكىنى كۆرسە: «توپلانغان بۇلۇت» دەيدۇ.
|
44
|
ئى مۇھەممەد! سەن ئۇلارنى، ئۇلار ئۆزلىرىنىڭ ھالاك قىلىنىدىغان كۈنىگە مۇلاقات بولغانغا قەدەر تەرك ئەتكىن.
|
45
|
ئۇ كۈنى ئۇلارنىڭ ھىيلە - مىكىرلىرى ھېچ نەرسىگە ئەسقاتمايدۇ. ئۇلارغا ياردەممۇ قىلىنمايدۇ.
|
46
|
زالىملارغا ئۇنىڭدىن باشقىمۇ ئازاب بار. لېكىن ئۇلارنىڭ تولىسى بىلمەيدۇ.
|
47
|
ئى مۇھەممەد! رەببىڭنىڭ ھۆكمىگە سەۋر قىلغىن. چۈنكى سەن ھەقىقەتەن بىزنىڭ ھىمايىمىزدىدۇرسەن. ئورنۇڭدىن تۇرغان چېغىڭدا رەببىڭگە ھەمد بىلەن تەسبىھ ئېيتقىن.
|
48
|
كېچىنىڭ بىر قىسمىدىمۇ ۋە يۇلتۇزلار پاتقاندىن كېيىنمۇ تەسبىھ ئېيتقىن.
|
49
|