ئۇيغۇرچە قۇرئان كەرىم توربىكىتى logo

بِسْمِ اللهِ الرَّحْمٰنِ الرَّحِيمِ‎

56- سۈرە ۋاقىئە مەككەدە نازىل بولغان، 96 ئايەت

ئەمەلگە ئاشقۇچى ئەمەلگە ئاشقان چاغدا[1]،
1




ئۇنىڭ ئەمەلگە ئېشىشىنى ھېچكىم يالغان دېيەلمەيدۇ.‏
2




ئۇ پەسلەتكۈچىدۇر، كۆتۈرگۈچىدۇر.‏
3




زېمىن قاتتىق تەۋرىتىلگەن، ‏
4




تاغلار پارچىلىنىپ،‏
5




چاڭ- توزان بولۇپ كەتكەن‏
6




ۋە سىلەر ئۈچ پىرقە بولغان چاغدا،‏
7




سائادەتمەنلەر، نېمىدېگەن بەختلىك بۇ سائادەتمەنلەر!‏
8




شۇم كىشىلەر، نېمىدېگەن بەختسىز بۇ شۇم كىشىلەر!‏
9




ئالدىدا ماڭغۇچىلار، ئالدىدا ماڭغۇچىلار[2]،
10




ئەنە شۇلار يېقىنلاشتۇرۇلغۇچىلاردۇر،‏
11




نەئىم جەننەتلىرىدىدۇر،‏
12




ئاۋۋالقىلاردىن كۆپتۇر،
13




ئاخىرقىلاردىن ئازدۇر،
14




ئالتۇن ۋە گۆھەرلەر بىلەن توقۇلغان كارىۋاتلار ئۈستىدىدۇر،
15




ئۇ كارىۋاتلارغا يۆلەنگەن ۋە بىر-بىرىگە قاراشقان ھالەتتىدۇر.‏
16




ئۇلارنىڭ ئەتراپىدا ھەمىشە بىر خىل تۇرىدىغان بالىلار ئايلىنىپ تۇرىدۇ.‏
17




ئۇ بالىلار ئۇلارغا پىيالە، چەينەك ۋە بۇلاقتىن تولدۇرۇلغان قەدەھلەرنى سۇنىدۇ.‏
18




بۇ شاراب ئۇلارنىڭ باشلىرىنى ئاغرىتمايدۇ، ئۇلارنى مەست قىلمايدۇ.‏
19




ئۇ بالىلار يەنە ئۇلارغا ئۇلار تاللايدىغان مېۋىلەرنى
20




ۋە ئۇلارنىڭ كۆڭلى تارتىدىغان قۇش گۆشلىرىنى سۇنىدۇ.‏
21




ئۇلارنىڭ ئەتراپىدا يەنە شەھلا كۆزلۈك، ئاق تەنلىك قىزلار ئايلىنىپ تۇرىدۇ،‏
22




ئۇلار ساقلانغان مەرۋايىتلارغا ئوخشايدۇ.‏
23




بۇ نېمەتلەر ئۇلارنى مۇكاپاتلاش ئۈچۈندۇر. چۈنكى ئۇلار ئەمەل قىلغان.‏
24




ئۇلار ئۇ جەننەتلەردە بىھۇدە ۋە گۇناھكار قىلىدىغان سۆزلەرنى ئاڭلىمايدۇ.‏
25




لېكىن «سالام! سالام!» دېگەن سۆزنىلا ئاڭلايدۇ.‏
26




ئەمەل دەپتىرى ئوڭ تەرەپتىن بېرىلگەنلەر، نېمىدېگەن بەختلىك بۇ ئەمەل دەپتىرى ئوڭ تەرەپتىن بېرىلگەنلەر!‏
27




ئۇلار تىكەنسىز گىلاس،‏
28




سانجاق-سانجاق بانان،‏
29




ئۇزىتىلغان سايە،‏
30




ئېقىتىلغان سۇ،‏
31




كۆپ مېۋە-‏
32




تۈگىمەيدىغان ۋە مەنئى قىلىنمايدىغان-‏
33




ۋە يۈكسەلدۈرۈلگەن تۆشەكلەر قاتارلىقلاردىن بەھرىمەن بولىدۇ.‏
34




شۈبھىسىزكى، بىز ئۇ خانىملارنى يېڭىدىن ياراتتۇق،
35




ئۇلارنى قىزلارغا ئايلاندۇردۇق،‏
36




نازاكەتلىك، تەڭتۇش قىزلار ھالىتىگە كەلتۈردۇق.‏
37




ئۇلار ئەمەل دەپتىرى ئوڭ تەرەپتىن بېرىلگەنلەر ئۈچۈندۇر.‏
38




ئۇلار ئاۋۋالقىلاردىن كۆپتۇر،
39




ئاخىرقىلاردىنمۇ كۆپتۇر.‏
40




ئەمەل دەپتىرى سول تەرەپتىن بېرىلگەنلەر، نېمىدېگەن بەختسىز بۇ ئەمەل دەپتىرى سول تەرەپتىن بېرىلگەنلەر!‏
41




ئۇلار ئوتلۇق شامال، قايناق سۇ‏
42




ۋە قاپقارا سايە قاتارلىقلارنىڭ ئىچىدە بولىدۇ.‏
43




ئۇ سايە سالقىنمۇ ئەمەس، كۆركەممۇ ئەمەس.‏
44




چۈنكى ئۇلار بۇنىڭدىن ئىلگىرى كۆرەڭلەپ تېرىسىگە سىغماي قالغان ئەركە ئادەملەر ئىدى،
45




چوڭ گۇناھنى ئۆتكۈزۈشنى داۋاملاشتۇراتتى‏
46




ۋە مۇنداق دەيتتى: «بىز ئۆلۈپ توپىغا ۋە سۆڭەكلەرگە ئايلىنىپ كەتكەندىن كېيىن قايتا تىرىلدۈرۈلەمدۇق؟‏
47




بۇرۇنقى ئاتا-بوۋىلىرىمىزمۇ تىرىلدۈرۈلەمدۇ؟».‏
48




ئېيتقىنكى: «ئاۋۋالقىلار ۋە ئاخىرقىلار،
49




مەلۇم كۈننىڭ بەلگىلەنگەن ۋاقتىدا چوقۇم توپلىنىدۇ.‏
50




ئاندىن سىلەر، ئى راستنى يالغان دېگۈچى ئازغۇنلار!‏
51




چوقۇم زەققۇم دەرىخىدىن يەيسىلەر،‏
52




قورساقلىرىڭلارنى ئۇنىڭدىن تولدۇرىسىلەر،‏
53




ئاندىن ئۇنىڭ ئۈستىگە قايناق سۇدىن ئىچىسىلەر،
54




تەشنا تۆگىلەردەك ئىچىسىلەر».‏
55




مانا بۇ، قىيامەت كۈنى ئۇلارغا بېرىلىدىغان زىياپەتتۇر.‏
56




سىلەرنى بىز ياراتتۇق، نېمىشقا تەستىقلىمايسىلەر؟‏
57




سىلەر مەنىيىڭلار توغرۇلۇق گەپ قىلىپ بېقىڭلار!‏
58




ئۇنى سىلەر يارىتىۋاتامسىلەر؟ ياكى بىز يارىتىۋاتامدىمىز؟
59




سىلەرنىڭ ئاراڭلاردا ئۆلۈمنى بىز بەلگىلىدۇق. بىز ئاجىز ئەمەس،‏
60




سىلەرنى ئوخشاشلىرىڭلار بىلەن ئالماشتۇرۇشقا ۋە سىلەرنى يېڭىدىن سىلەر بىلمەيدىغان شەكىلدە يارىتىشقا.‏
61




سىلەر دەسلەپكى يارىتىشنى بىلدىڭلار، نېمىشقا ئويلاپ باقمايسىلەر؟‏
62




سىلەر تېرىغان نەرسەڭلەر توغرۇلۇق گەپ قىلىپ بېقىڭلار!‏
63




ئۇنى سىلەر ئۈندۈرۈپ زىرائەت ھالىتىگە كەلتۈرۈرۈۋاتامسىلەر؟ ياكى بىز ئۈندۈرۈپ زىرائەت ھالىتىگە كەلتۈرۈۋاتامدىمىز؟‏
64




خالىغان بولساق ئۇنى قۇرۇق چۆپ قىلىۋېتەتتۇق، ھەيران قالاتتىڭلار ۋە:‏
65




«بىز زىيان تارتىپ كەتتۇق،
66




بەلكى تامامەن مەھرۇم قىلىندۇق» دەيتتىڭلار.‏
67




سىلەر ئىچىۋاتقان سۈيۈڭلار توغرۇلۇق گەپ قىلىپ بېقىڭلار!‏
68




ئۇنى بۇلۇتلاردىن سىلەر چۈشۈرۈۋاتامسىلەر؟ ياكى بىز چۈشۈرۈۋاتامدىمىز؟‏
69




خالىغان بولساق ئۇنى ئاچچىق قىلاتتۇق، نېمىشقا شۈكۈر قىلمايسىلەر؟
70




سىلەر ياندۇرۇۋاتقان ئوتۇڭلار توغرۇلۇق گەپ قىلىپ بېقىڭلار!‏
71




ئۇنىڭ دەرىخىنى سىلەر ئۆستۈرۈۋاتامسىلەر؟ ياكى بىز ئۆستۈرۈۋاتامدىمىز؟‏
72




بىز ئۇنى ئەسلەش ۋاسىتى[3] ۋە يولۇچىلار پايدىلىنىدىغان نەرسە قىلدۇق.‏
73




ئۇ ھالدا ئۇلۇغ رەببىڭنىڭ ئىسمىنى پاك دەپ ئېتىقاد قىلغىن.‏
74




ئۇنداق ئەمەس، يۇلتۇزلارنىڭ ئورۇنلىرى بىلەن قەسەم قىلىمەنكى-‏
75




بىلسەڭلەر بۇ ناھايىتى چوڭ قەسەمدۇر-‏
76




شۈبھىسىزكى، ئۇ ھۆرمەتلىك قۇرئاندۇر،‏
77




ساقلانغۇچى كىتابتىدۇر،‏
78




ئۇنى پاك قىلىنغانلاردىن باشقىسى تۇتالمايدۇ،‏
79




ئالەملەرنىڭ رەببى تەرىپىدىن نازىل قىلىنغۇچىدۇر.‏
80




سىلەر مۇشۇ سۆزگە ياغلامچىلىق قىلامسىلەر؟‏
81




ئۇنى يالغان دېيىشنى رىزقىڭلار قىلامسىلەر؟‏
82




نېمىشقا جان ھەلقۇمغا يەتكەندە-‏
83




سىلەر ئۇ ئەسنادا قاراپ تۇرىسىلەر،‏
84




بىز سەكراتتىكى ئادەمگە سىلەردىن يېقىن، لېكىن سىلەر كۆرمەيسىلەر-‏
85




نېمىشقا ئەگەر جازالاندۇرۇلمايدىغان بولساڭلار، ‏
86




ئۇ ھەلقۇمغا يەتكەن جاننى قايتۇرمايسىلەر؟ ئەگەر راستچىل بولساڭلار.‏
87




ئەگەر ئۇ يېقىنلاشتۇرۇلغۇچىلاردىن بولسا،‏
88




ئۇنىڭغا راھەت، ياخشى رىزىق ۋە نەئىم جەننەتلىرى بار.‏
89




ئەگەر ئەمەل دەپتىرى ئوڭ تەرەپتىن بېرىلگەنلەردىن بولسا،
90




ساڭا ئوڭ تەرەپنىڭ ئىگىلىرىدىن سالام!‏
91




ئەگەر ئۇ گۇمراھ كاززاپلاردىن بولسا،‏
92




ئۇنىڭغا قايناق سۇدىن زىياپەت‏
93




ۋە دوزاخقا تاشلىنىپ كۆيۈش بار.‏
94




شۈبھىسىزكى، بۇ قەتئىي ھەقىقەتتۇر.‏
95




ئۇ ھالدا ئۇلۇغ رەببىڭنىڭ ئىسمىنى پاك دەپ ئېتىقاد قىلغىن.‏
96




Quran Uyghur Translation - www.uyquran.com - قۇرئان كەرىم ئۇيغۇرچە ئىزاھلىق تەرجىمىسى تور بىكىتى