ئۇيغۇرچە قۇرئان كەرىم توربىكىتى logo

بِسْمِ اللهِ الرَّحْمٰنِ الرَّحِيمِ‎

74-سۈرە مۇددەسسىر مەككەدە نازىل بولغان، 56 ئايەت

ئى چۈمكىنىۋالغۇچى![1]
1




ئورنۇڭدىن تۇرغىن ۋە ئاگاھلاندۇرغىن،‏
2




رەببىڭنىڭ بۈيۈكلۈكىنى ئېلان قىلغىن،‏
3




كىيىملىرىڭنى پاك تۇتقىن،‏
4




نىجاسەتتىن يىراق تۇرغىن،‏
5




قىلغان ياخشىلىقىڭنى كۆپ ساناپ مىننەت قىلمىغىن
6




ۋە رەببىڭ ئۈچۈن سەۋر قىلغىن.‏
7




چۈنكى سۇر چېلىنغان چاغدا،‏
8




ئەنە شۇ ۋاقىت، ئەنە شۇ كۈن قىيىن كۈندۇر.‏
9




كافىرلارغا ئاسان ئەمەستۇر.‏
10




مېنى، مەن يالغۇز ياراتقان ئادەم بىلەن قويۇۋەتكىن. ‏
11




مەن ئۇنىڭغا ئۇزىتىلغۇچى مال[2] بەردىم.‏
12




كۆز ئالدىدا تۇرىدىغان بالىلارنى بەردىم.‏
13




ئۇنىڭغا بۈيۈك ئىمكان بەردىم.‏
14




ئەمما ئۇ زىيادە قىلىشىمنى تەمە قىلماقتا.‏
15




ھېچ تەمە قىلمىسۇن، چۈنكى ئۇ بىزنىڭ ئايەتلىرىمىزگە قارشى چىقماقتا.‏
16




مەن يېقىندا ئۇنى تىك داۋانغا چىقىشقا زورلايمەن.‏
17




چۈنكى ئۇ ئويلاندى ۋە پىلانلىدى،
18




ئۆلگۈر! قانداق پىلانلىدى؟‏
19




ھۇ ئۆلگۈر! قانداق پىلانلىدى؟‏
20




ئاندىن كېيىن قارىدى،‏
21




ئاندىن كېيىن قوشۇمىسىنى تۈردى ۋە چىرايىنى پۈرۈشتۈردى،‏
22




ئاندىن كېيىن ئارقىسىنى قىلدى ۋە كىبىرلەندى،‏
23




ئاندىن مۇنداق دېدى: «بۇ پەقەت نەقىل قىلىنىپ كەلگەن سېھىردۇر. ‏
24




بۇ پەقەت ئىنساننىڭ سۆزىدۇر».‏
25




مەن يېقىندا ئۇنى سەقەرگە كىرگۈزىمەن.‏
26




سەقەر نېمىدۇر، سەن نەدىن بىلىسەن؟‏
27




ئۇ قالدۇرۇپ قويمايدۇ ۋە قويۇۋەتمەيدۇ.‏
28




ئۇ ئىنسانلارنىڭ تېرىلىرنى كۆيدۈرۈپ قاپقارا قىلىۋەتكۈچىدۇر.‏
29




ئۇنىڭ ئۈستىدە ئون توققۇز خادىم بار.‏
30




بىز دوزاخنىڭ خادىملىرىنى پەقەت پەرىشتىلەردىن قىلدۇق. ئۇلارنىڭ سانىنى كافىرلار ئۈچۈن پەقەتلا ئىمتىھان ۋاسىتىسى قىلدۇق. بىز بۇنى كىتاب بېرىلگەنلەر ھەقىقىي ئىشەنسۇن، ئىمان ئېيتقانلارنىڭ ئىمانى زىيادە بولسۇن، كىتاب بېرىلگەنلەر ۋە مۇئمىنلار شۈبھىلەنمىسۇن دەپ مۇشۇنداق قىلدۇق. بىز بۇنى يەنە قەلبلىرىدە كېسەل بارلار ۋە كافىرلار: «ئاللاھ بۇ مىسالدىن نېمىنى ئىرادە قىلدى؟» دېسۇن دەپ مۇشۇنداق قىلدۇق. ئاللاھ خالىغان كىشىنى ئەنە شۇنداق ئازدۇرىدۇ، خالىغان كىشىنى ئەنە شۇنداق ھىدايەت قىلىدۇ. رەببىڭنىڭ قوشۇنلىرىنى ئۆزىدىن باشقا ھېچكىم بىلمەيدۇ. بۇ ئىنسانلار ئۈچۈن پەقەتلا نەسىھەتتۇر.‏
31




ياق، ئاي بىلەن قەسەمكى،‏
32




ئارقىسىنى قىلىپ كەتكەن چاغدىكى كېچە بىلەن قەسەمكى،‏
33




يورۇغان چاغدىكى سۈبھى بىلەن قەسەمكى،‏
34




ئۇ سەقەر ئەڭ بۈيۈك پالاكەتلەرنىڭ بىرىدۇر.‏
35




ئىنسانلار ئۈچۈن ئاگاھلاندۇرغۇچىدۇر،‏
36




يەنى سىلەردىن ئىلگىرىلەشنى ياكى چېكىنىشنى خالىغانلار ئۈچۈن.‏
37




ھەر كىشى ئۆز قىلمىشى تۈپەيلىدىن گۆرۈگە ئېلىنغۇچىدۇر.‏
38




لېكىن ئوڭ تەرەپنىڭ ئىگىلىرى ئۇنداق ئەمەس.‏
39




ئۇلار جەننەتلەردە بولىدۇ ۋە ئۆزئارا سورىشىدۇ،
40




گۇناھكارلار توغرۇلۇق.‏
41




ئۇلاردىن «سىلەر نېمە ئۈچۈن سەقەرگە كىردىڭلار؟» دەپ سورايدۇ.‏
42




ئۇلار مۇنداق دەيدۇ: «بىز ناماز ئۆتىگۈچىلەردىن بولمىغان ئىدۇق،‏
43




مىسكىنگە تائام بەرمىگەن ئىدۇق،‏
44




چۆمگۈچىلەر بىلەن بىرلىكتە باتىلغا چۆمگەن ئىدۇق،
45




جازا ۋە مۇكاپات كۈنىنى يالغان دېگەن ئىدۇق،‏
46




بىز تاكى ئۆلگۈچە مۇشۇنداق قىلغان ئىدۇق».‏
47




ئۇلارغا شاپائەتچىلەرنىڭ شاپائىتى پايدا بەرمەيدۇ.‏
48




مۇشرىكلارغا نېمە بولدىكىن، ئەسلىتىشتىن يۈز ئۆرۈۋاتىدۇ؟‏
49




ئۇلار خۇددى ياۋا ئېشەكلەردۇر،
50




يولۋاستىن قاچقان ئېشەكلەر.‏
51




بەلكى ئۇلاردىن ھەر كىشى ئۆزىگە ئوچۇق سەھىپىلەر بېرىلىشىنى خالايدۇ[3].‏
52




ياق، بەلكى ئۇلار ئاخىرەتتىن قورقمايدۇ.‏
53




ئىش ئۇلار ئويلىغاندەك بولمايدۇ. قۇرئان ئەسلىتىشتۇر.‏
54




خالىغان كىشى ئۇ ئىلىمنى ئالسۇن.‏
55




ئۇلار ئاللاھ خالىغاننىلا توغرا ئىلىم سۈپىتىدە ئالالايدۇ[4]. ئاللاھ تەقۋادارلىق قىلىنىشقا تېگىشلىك زاتتۇر، مەغپىرەت قىلىدىغان زاتتۇر.‏
56




Quran Uyghur Translation - www.uyquran.com - قۇرئان كەرىم ئۇيغۇرچە ئىزاھلىق تەرجىمىسى تور بىكىتى