ئۇيغۇرچە قۇرئان كەرىم توربىكىتى logo

بِسْمِ اللهِ الرَّحْمٰنِ الرَّحِيمِ‎

75- سۈرە قىيامەت مەككەدە نازىل بولغان، 40 ئايەت

ئۇنداق ئەمەس، قىيامەت كۈنى بىلەن قەسەمكى،
1




ھەرگىزمۇ ئۇنداق ئەمەس[1]، ئۆزىگە مالامەت قىلغۇچى نەفس بىلەن قەسەمكى،
2




ئىنسان بىزنى، سۆڭەكلىرىمنى جەمئىي قىلالمايدۇ دەپ ئويلامدۇ؟
3




ئۇنداق ئەمەس[2]، بىز ئۇنىڭ بارماق ئۇچلىرىنى ئەسلىگە كەلتۈرۈشكە قادىرمىز.
4




بەلكى ئىنسان كەلگۈسى ھاياتىدا گۇناھ قىلىشنى ئىرادە قىلىدۇ.
5




ئۇ: «قىيامەت كۈنى قاچان بولىدۇ؟» دەپ سورايدۇ.
6




كۆز قاماشقان،
7




ئاي تۇتۇلغان،
8




قۇياش بىلەن ئاي جەم قىلىنغان چاغدا،
9




ئىنسان ئەنە شۇ كۈندە: «قاچىدىغان جاي قەيەردە؟» دەيدۇ.
10




ياق، ھېچ پاناھگاھ يوقتۇر!
11




ئۇ كۈنى قارارگاھ رەببىڭنىڭ ھۇزۇرىدۇر.
12




ئۇ كۈنى ئىنسانغا قىلغان ۋە قالدۇرغان نەرسىلىرى ئېيتىپ بېرىلىدۇ[3].
13




بەلكى ئىنسان ئۆزىنى ئۆزى كۆرگۈچىدۇر[4]،
14




ئۆزرىلىرىنى ئوتتۇرىغا قويغان تەقدىردىمۇ[5].
15




ئۇنىڭغا ئالدىراپ تىلىڭنى ھەرىكەتلەندۈرمىگىن.
16




شۈبھىسىزكى، ئۇنى جەملەش ۋە ئوقۇش بىزنىڭ مەسئۇلىيىتىمىزدۇر.
17




شۇڭا بىز ئۇنى ئوقۇۋاتقاندا، ئۇنىڭ ئوقۇلۇشىغا ئەگەشكىن.
18




ئاندىن كېيىن ئۇنى بايان قىلىشمۇ بىزنىڭ مەسئۇلىيىتىمىزدۇر.
19




ياق، بەلكى سىلەر دۇنيانى ياخشى كۆرىسىلەر[6].
20




ئاخىرەتنى قويۇپ قويىسىلەر.
21




ئۇ كۈنى بىر قىسىم يۈزلەر ئېچىلىدۇ،
22




رەببىگە قارايدۇ.
23




ئۇ كۈنى يەنە بىر قىسىم يۈزلەر تۈرۈلىدۇ.
24




ئۆزلىرىگە ئومۇرتقىلىرىنى سۇندۇرۇۋېتىدىغان ئىش قىلىنىدىغانلىقىنى بايقايدۇ.
25




ياق[7]، جان ئوقۇرەك سۆڭەكلىرىگە يەتكەن،
26




«كىم ئىلاج قىلالايدۇ؟» دېيىلگەن،
27




سەكراتتىكى ئادەم بۇنىڭ دۇنيادىن ئايرىلىش ئىكەنلىكىنى بىلگەن
28




ۋە پاچاق پاچاققا كىرىشكەن چاغدا،
29




ئەنە شۇ كۈنى ھەيدەپ بېرىلىدىغان جاي رەببىڭنىڭ ھۇزۇرىدۇر.
30




ئۇ[8]، تەستىقلىمىدى[9] ۋە ناماز ئۆتىمىدى،
31




لېكىن يالغان دېدى ۋە يۈز ئۆرۈدى،
32




ئاندىن كېيىن كېرىلگەن ھالدا يېقىن - يورۇقلىرىنىڭ يېنىغا باردى.
33




ساڭا ئازاب بەكمۇ لايىقتۇر، بەكمۇ لايىقتۇر!
34




شۇنداق، ساڭا ئازاب بەكمۇ لايىقتۇر، بەكمۇ لايىقتۇر.
35




ئىنسان ئۆزىنىڭ بىكار قويۇۋېتىلىدىغانلىقىنى ئويلامدۇ؟
36




ئۇ بالىياتقۇلارغا تۆكۈلىدىغان مەنىي بىلەن ئۇرۇقلانغان تۇخۇم ئەمەسمىدى؟
37




ئاندىن كېيىن ئۇ يېپىشقاق قان بولدى، ئاندىن ئاللاھ ياراتتى ۋە شەكىل بەردى،
38




ئاندىن ئاللاھ ئۇنىڭدىن بىر جۈپنى - ئەركەك ۋە چىشىنى - ياراتتى.
39




ئەنە شۇ ئاللاھ ئۆلۈكلەرنى تىرىلدۈرۈشكە قادىر ئەمەسمۇ؟
40




Quran Uyghur Translation - www.uyquran.com - قۇرئان كەرىم ئۇيغۇرچە ئىزاھلىق تەرجىمىسى تور بىكىتى