(مۇشرىكلار ئۆزئارا نېمە توغرۇلۇق) سورىشىدۇ؟ .
بِسْمِ اللَّهِ الرَّحْمَٰنِ الرَّحِيمِ عَمَّ يَتَسَاءَلُونَ
| 1 |
ئۇلار چوڭ بىر خەۋەر (يەنى قىيامەت توغرۇلۇق) سورىشىدۇ .
عَنِ النَّبَإِ الْعَظِيمِ
| 2 |
ئۇلار شۇ (يەنى قىيامەت) توغرىسىدا ئىختىلاپ قىلىشقۇچىلاردۇر .
الَّذِي هُمْ فِيهِ مُخْتَلِفُونَ
| 3 |
ھەرگىز ئۇنداق ئەمەس (قىيامەت ئۇلارنىڭ ئويلىغىنىدەك يالغان ئەمەس)، ئۇلار (ھەقىقىي ئەھۋالنى) كەلگۈسىدە بىلىدۇ .
كَلَّا سَيَعْلَمُونَ
| 4 |
ھەرگىز ئۇنداق ئەمەس، ئۇلار (بېشىغا كەلگەن ئازابنى) كەلگۈسىدە بىلىدۇ .
ثُمَّ كَلَّا سَيَعْلَمُونَ
| 5 |
(زېمىننىڭ ئۈستىدە مۇقىملىشىشىڭلار ۋە كەڭ تۈزلەڭلىكلەرگە زىرائەت تېرىپ پايدىلىنىشىڭلار ئۈچۈن) زېمىننى بىسات قىلمىدۇقمۇ؟ .
أَلَمْ نَجْعَلِ الْأَرْضَ مِهَادًا
| 6 |
(زېمىننىڭ تەۋرەپ كەتمەسلىكى ئۈچۈن) تاغلارنى قوزۇق قىلمىدۇقمۇ؟ .
وَالْجِبَالَ أَوْتَادًا
| 7 |
سىلەرنى ئەر ـ ئايال قىلىپ ياراتتۇق .
وَخَلَقْنَاكُمْ أَزْوَاجًا
| 8 |
ئۇيقۇنى سىلەرنىڭ (بەدىنىڭلار ئۈچۈن) راھەت قىلدۇق .
وَجَعَلْنَا نَوْمَكُمْ سُبَاتًا
| 9 |
كېچىنى لىباس قىلدۇق .
وَجَعَلْنَا اللَّيْلَ لِبَاسًا
| 10 |
كۈندۈزنى (سىلەر) تىرىكچىلىك قىلىدىغان (ۋاقىت) قىلدۇق .
وَجَعَلْنَا النَّهَارَ مَعَاشًا
| 11 |
ئۈستۈڭلاردا مۇستەھكەم يەتتە ئاسماننى بىنا قىلدۇق .
وَبَنَيْنَا فَوْقَكُمْ سَبْعًا شِدَادًا
| 12 |
(سىلەر ئۈچۈن) يېنىپ تۇرغان چىراغنى (كۈننى) ياراتتۇق .
وَجَعَلْنَا سِرَاجًا وَهَّاجًا
| 13 |
ئاشلىقلارنى، ئوت ـ چۆپلەرنى، دەرەخلىرى قويۇق باغچىلارنى ئۆستۈرۈش ئۈچۈن بۇلۇتلاردىن مول ياغدۇرۇپ بەردۇق.
وَأَنْزَلْنَا مِنَ الْمُعْصِرَاتِ مَاءً ثَجَّاجًا
| 14 |
لِنُخْرِجَ بِهِ حَبًّا وَنَبَاتًا
| 15 |
وَجَنَّاتٍ أَلْفَافًا
| 16 |
قىيامەت كۈنى ھەقىقەتەن (مۇكاپاتلاش ۋە جازالاش) ۋاقتىدۇر .
إِنَّ يَوْمَ الْفَصْلِ كَانَ مِيقَاتًا
| 17 |
ئۇ كۈنى سۇر چېلىنىدۇ، سىلەر توپ ـ توپ بولۇپ كېلىسىلەر .
يَوْمَ يُنْفَخُ فِي الصُّورِ فَتَأْتُونَ أَفْوَاجًا
| 18 |
ئاسمان ئېچىلىپ نۇرغۇن ئىشىكلەر پەيدا بولىدۇ .
وَفُتِحَتِ السَّمَاءُ فَكَانَتْ أَبْوَابًا
| 19 |
تاغلار ھەرىكەتلەندۈرۈلۈپ سەررابتەك بولۇپ قالىدۇ (يەنى تاغلار توزۇپ يىراقتىن قارىغۇچىغا سۇدەك تۇيۇلىدۇ) .
وَسُيِّرَتِ الْجِبَالُ فَكَانَتْ سَرَابًا
| 20 |
جەھەننەم ھەقىقەتەن (كۇففارلارنى) كۈتۈپ تۇرىدۇ .
إِنَّ جَهَنَّمَ كَانَتْ مِرْصَادًا
| 21 |
جەھەننەم، شۈبھىسىزكى، گۇناھكارلارنىڭ جايىدۇر .
لِلطَّاغِينَ مَآبًا
| 22 |
ئۇلار جەھەننەمدە ئۇزاق مۇددەت قالىدۇ .
لَابِثِينَ فِيهَا أَحْقَابًا
| 23 |
ئۇلار جەھەننەمدە (جەھەننەمنىڭ ھارارىتىنى يىنىكلىتىلگەن) بىرەر سۆرۈنلۈككە ۋە (تەشنالىقنى قاندۇرىدىغان) بىرەر ئىچىملىككە ئېرىشەلمەيدۇ .
لَا يَذُوقُونَ فِيهَا بَرْدًا وَلَا شَرَابًا
| 24 |
ئۇلارنىڭ ئېرىشىدىغىنى پەقەت يۇقىرى ھارارەتلىك قايناقسۇ ۋە يىرىڭدىنلا ئىبارەت بولىدۇ .
إِلَّا حَمِيمًا وَغَسَّاقًا
| 25 |
بۇ (ئۇلارغا بېرىلىدىغان) مۇۋاپىق جازادۇر .
جَزَاءً وِفَاقًا
| 26 |
چۈنكى ئۇلار (قىلمىشلىرىدىن) ھېساب ئېلىنىشتىن قورقمايتتى .
إِنَّهُمْ كَانُوا لَا يَرْجُونَ حِسَابًا
| 27 |
ھەمدە بىزنىڭ ئايەتلىرىمىزنى قاتتىق ئىنكار قىلاتتى .
وَكَذَّبُوا بِآيَاتِنَا كِذَّابًا
| 28 |
ھەر نەرسىنى تولۇق خاتىرىلەپ قويىمىز .
وَكُلَّ شَيْءٍ أَحْصَيْنَاهُ كِتَابًا
| 29 |
(ئۇلارغا ئېيتىمىزكى) «تېتىڭلار! سىلەرگە پەقەت ئازابنىلا زىيادە قىلىمىز» .
فَذُوقُوا فَلَنْ نَزِيدَكُمْ إِلَّا عَذَابًا
| 30 |
شۈبھىسىزكى، تەقۋادارلار نېمەتكە ئېرىشىدۇ .
إِنَّ لِلْمُتَّقِينَ مَفَازًا
| 31 |
(ئۇ نېمەت) باغلار، ئۈزۈملەردۇر .
حَدَائِقَ وَأَعْنَابًا
| 32 |
تەڭتۇش قىزلاردۇر .
وَكَوَاعِبَ أَتْرَابًا
| 33 |
(شاراب بىلەن) تولدۇرۇلغان جاملاردۇر .
وَكَأْسًا دِهَاقًا
| 34 |
ئۇلار جەننەتتە يالغان سۆز، بىھۇدە سۆز ئاڭلىمايدۇ .
لَا يَسْمَعُونَ فِيهَا لَغْوًا وَلَا كِذَّابًا
| 35 |
(ئەنە شۇلار) پەرۋەردىگارىڭنىڭ بەرگەن مۇكاپاتى، يېتەرلىك ئاتاسىدۇر .
جَزَاءً مِنْ رَبِّكَ عَطَاءً حِسَابًا
| 36 |
ئۇ ئاسمانلارنىڭ، زېمىننىڭ ۋە ئۇلارنىڭ ئارىسىدىكى شەيئىلەرنىڭ پەرۋەردىگارىدۇر. ناھايىتى شەپقەتلىكتۇر. (ئۇ كۈندە ھېچ كىشى) ئۇنىڭغا سۆز قىلىشقا قادىر بولالمايدۇ .
رَبِّ السَّمَاوَاتِ وَالْأَرْضِ وَمَا بَيْنَهُمَا الرَّحْمَٰنِ ۖ لَا يَمْلِكُونَ مِنْهُ خِطَابًا
| 37 |
جىبرىئىل ۋە پەرىشتىلەر سەپ بولۇپ تۇرۇپ كېتىدىغان كۈندە (يەنى قىيامەتتە)، ئۇلار(نىڭ ئارىسىدا) مېھرىبان اﷲ نىڭ ئىزنىگە ئېرىشكەن ۋە توغرا سۆزنى قىلغانلاردىن باشقا ھېچ ئەھەدىنىڭ سۆز قىلىشىغا بولمايدۇ .
يَوْمَ يَقُومُ الرُّوحُ وَالْمَلَائِكَةُ صَفًّا ۖ لَا يَتَكَلَّمُونَ إِلَّا مَنْ أَذِنَ لَهُ الرَّحْمَٰنُ وَقَالَ صَوَابًا
| 38 |
ئەنە شۇ چوقۇم بولىدىغان كۈندۇر. كىمكى (ئىمان بىلەن، ياخشى ئەمەل بىلەن) پەرۋەردىگارىغا قايتىدىغان يولنى تۇتۇشنى خالىسا (تۇتسۇن) .
ذَٰلِكَ الْيَوْمُ الْحَقُّ ۖ فَمَنْ شَاءَ اتَّخَذَ إِلَىٰ رَبِّهِ مَآبًا
| 39 |
بىز سىلەرنى ھەقىقەتەن (يۈز بېرىشى) يېقىن ئازابتىن (يەنى ئاخىرەت ئازابىدىن) ئاگاھلاندۇردۇق، ئۇ كۈندە كىشى ئىلگىرى قىلغان ئەمەللىرىنى كۆرىدۇ. كاپىر: «كاشكى مەن تۇپراق بولۇپ كەتسەمچۇ! » دەيدۇ .
إِنَّا أَنْذَرْنَاكُمْ عَذَابًا قَرِيبًا يَوْمَ يَنْظُرُ الْمَرْءُ مَا قَدَّمَتْ يَدَاهُ وَيَقُولُ الْكَافِرُ يَا لَيْتَنِي كُنْتُ تُرَابًا
| 40 |