ئۇيغۇرچە قۇرئان كەرىم توربىكىتى logo

بِسْمِ اللهِ الرَّحْمٰنِ الرَّحِيمِ‎

79- سۈرە نازىئات مەككەدە نازىل بولغان، 46 ئايەت

تارتىپ ئالغۇچىلار بىلەن قەسەمكى،‏
1




سىلىق ئالغۇچىلار بىلەن قەسەمكى،
2




ئىشىنى تېز ۋە تولۇق قىلغۇچىلار،
3




ئىلگىرىلىگۈچىلەر
4




ۋە ئىش باشقۇرغۇچىلار بىلەن قەسەمكى[1]،
5




بىر كۈنى قاتتىق تەۋرەش بولىدۇ[2]،
6




ئارقىسىدىن يەنە بىر تەۋرەش بولىدۇ[3].
7




ئۇ كۈنى يۈرەكلەر سېلىپ كېتىدۇ.
8




كۆزلىرى يەرگە تىكىلىپ قالىدۇ.
9




ئۇلار مۇنداق دەيدۇ: «بىز ئاۋۋالقى ھالىتىمىزگە قايتۇرۇلامدۇق؟[4]
10




چىرىگەن سۆڭەكلەر بولۇپ كەتكەن ۋاقتىمىزدىمۇ؟».
11




ئۇلار: «ئۇنداق بولسا، بۇ زىيانلىق قايتىشتۇر» دېدى.
12




ئۇ ئەھۋال[5] قورقۇنچلۇق بىر ئاۋازدىنلا ئىبارەتتۇر.
13




شۇنىڭ بىلەن ئىنسانلار بىردىنلا يەر يۈزىگە چىقىپ قالىدۇ.‏
14




ئى مۇھەممەد! ساڭا مۇسانىڭ خەۋىرى كەلدىمۇ؟
15




ئۆز ۋاقتىدا رەببى ئۇنىڭغا مۇقەددەس ۋادى تۇۋادا مۇنداق دەپ نىدا قىلدى:
16




«فىرئەۋننىڭ يېنىغا بارغىن، ئۇ بەك ھەددىدىن ئاشتى.
17




ئۇنىڭغا ئېيتقىن: «پاكلىنىشقا مەيلىڭ بارمۇ؟
18




سېنى رەببىڭنى تونۇشقا يېتەكلەيمۇ؟ تونۇساڭ ئۇنىڭدىن ئەيمىنىسەن!»[6].
19




شۇنىڭ بىلەن مۇسا فىرئەۋنگە ئەڭ بۈيۈك ئايەتنى كۆرسەتتى،
20




بىراق فىرئەۋن يالغان دېدى، ئاسىيلىق قىلدى،
21




ئاندىن ئىشقا كىرىشىش ئۈچۈن ئارقىسىنى قىلىپ كەتتى،
22




ئاندىن توپلىدى، ئاندىن نىدا قىلدى:
23




«مەن سىلەرنىڭ ئەڭ بۈيۈك رەببىڭلاردۇرمەن» دېدى.
24




ئاللاھ ئۇنى ئاخىرقى ۋە ئاۋۋالقىنىڭ جازاسى بىلەن جازالىدى[7].
25




شۈبھىسىزكى، بۇنىڭدا ئەيمىنىدىغان كىشى ئۈچۈن ئىبرەت بار.
26




سىلەرنى يارىتىش تەسمۇ ياكى ئاسماننى يارىتىشمۇ؟ ئاللاھ ئاسماننى بىنا قىلدى،
27




ئۇنىڭ تورۇسىنى يۇقىرى كۆتۈرۈپ تەكشىلىدى،
28




ئۇنىڭ كېچىسىنى قاراڭغۇ قىلدى ۋە يورۇقلۇقىنى چىقاردى،
29




زېمىننى ئۇنىڭدىن كېيىن يايدى،
30




ئۇنىڭدىن ئۇنىڭ سۈيىنى ۋە ئوتلىقىنى چىقاردى،
31




تاغلارنى مۇستەھكەم ئورۇنلاشتۇردى.‏
32




ئاللاھ بۇلارنى سىلەرگە ۋە تۆگە، كالا، قوي، ئۆچكىلىرىڭلارغا ياشاش ۋاسىتىسى بولسۇن دەپ قىلدى.
33




بۈيۈك پالاكەت كەلگەن چاغدا،
34




ئەنە شۇ كۈنى كىشى قىلغان-ئەتكەنلىرىنى ئەسلەيدۇ،
35




كۆرىدىغانلار ئۈچۈن دوزاخ ئوتتۇرىغا چىقىرىلىدۇ.
36




كىمكى ھەددىدىن ئاشىدىكەن
37




ۋە دۇنيا ھاياتىنى ئۈستۈن كۆرىدىكەن،
38




ئۇنىڭ جايى چوقۇم دوزاخ بولىدۇ.
39




كىمكى رەببىنىڭ ماقامىدىن[8] قورقىدىكەن ۋە نەپسىنى خاھىشىدىن توسىدىكەن،
40




ئۇنىڭ جايى چوقۇم جەننەت بولىدۇ.
41




ئى مۇھەممەد! ئۇلار سەندىن قىيامەت قاچان قايىم بولىدۇ؟ دەپ سورايدۇ.
42




سەن قىيامەتنىڭ ۋاقتىنى قانداقمۇ ئېيتىپ بېرەلەيسەن؟
43




ئۇنى پەقەت رەببىڭ بىلىدۇ.
44




سەن ئۇنىڭدىن قورقىدىغانلارنى ئاگاھلاندۇرغۇچىسەن، خالاس.
45




ئۇلار ئۇنى كۆرگەن كۈندە، ئۆزلىرىنى گويا دۇنيادا پەقەت بىر كەچقۇرۇنلۇق ياكى ئۇنىڭ چاشگاھىچىلىك تۇرغاندەك ھېس قىلىدۇ.
46




Quran Uyghur Translation - www.uyquran.com - قۇرئان كەرىم ئۇيغۇرچە ئىزاھلىق تەرجىمىسى تور بىكىتى