ئۇيغۇرچە قۇرئان كەرىم توربىكىتى logo

بِسْمِ اللهِ الرَّحْمٰنِ الرَّحِيمِ‎

82-سۈرە ئىنفىتار مەككەدە نازىل بولغان، 19 ئايەت

ئاسمان يېرىلغان چاغدا،
1




يۇلتۇزلار چېچىلغان چاغدا،
2




دېڭىزلار بىر – بىرىگە قوشۇلغان چاغدا،
3




قەبىرلەرنىڭ ئىچى تېشىغا قىلىنغان چاغدا،
4




ھەر ئادەم قىلغان ئىشلىرىنى ۋە قالدۇرغان نەرسىلىرىنى بىلىدۇ.
5




ئى ئىنسان! سېنى سېخىي رەببىڭگە قارشى نېمە ئالدىدى؟
6




ئۇ شۇنداق زاتكى، سېنى ياراتتى، بېجىرىم قىلدى، قامىتىڭنى تۈز قىلدى
7




ۋە ئۆزى خالىغان شەكىلدە قوراشتۇردى.
8




ياق[1]، بەلكى سىلەر دىننى[2] يالغان دەۋاتىسىلەر.
9




ھالبۇكى ئۈستۈڭلاردا كۆزەتكۈچىلەر بار.
10




ئۇلار ھۆرمەتلىكتۇر، يېزىپ تۇرغۇچىلاردۇر.
11




ئۇلار قىلمىشلىرىڭلارنى بىلىپ تۇرىدۇ.
12




شۈبھىسىزكى، ياخشىلار نەئىمدە بولىدۇ[3].
13




شۈبھىسىزكى، يامانلار دوزاختا بولىدۇ.
14




ئۇلار جازا ۋە مۇكاپات كۈنى ئۇنىڭغا كىرىپ كۆيىدۇ.
15




ئۇلار ئۇنىڭدىن ھەرگىزمۇ يوقالمايدۇ.
16




جازا ۋە مۇكاپات كۈنى نېمە، سەن نەدىن بىلىسەن؟
17




شۇنداق، جازا ۋە مۇكاپات كۈنى نېمە، سەن نەدىن بىلىسەن؟
18




ئۇ كۈنى ھېچكىم ھېچكىم ئۈچۈن ھېچ نەرسىگە ئىگە بولالمايدۇ. ئۇ كۈنى ئەمر[4] پەقەتلا ئاللاھنىڭدۇر.‏
19




Quran Uyghur Translation - www.uyquran.com - قۇرئان كەرىم ئۇيغۇرچە ئىزاھلىق تەرجىمىسى تور بىكىتى