ئۇيغۇرچە قۇرئان كەرىم توربىكىتى logo

بِسْمِ اللهِ الرَّحْمٰنِ الرَّحِيمِ‎

85-سۈرە بۇرۇج مەككەدە نازىل بولغان، 22 ئايەت

بۇرجلىرى بولغان ئاسمان بىلەن،
1




ۋەدە قىلىنغان كۈن بىلەن،
2




شاھىد[1] بىلەن ۋە مەشھۇد[2] بىلەن قەسەمكى،
3




ئورەكنىڭ ئىگىلىرىگە لەنەت قىلىندى،
4




ئۇ ئورەكتە لاۋۇلداپ كۆيۈۋاتقان ئوت بار ئىدى.
5




ئۇلار ئۇ ئوتنىڭ ئەتراپىدا ئولتۇرۇپ،
6




مۇئمىنلارغا سالغان ئازاب-ئوقۇبەتلىرىنى كۆرەتتى.
7




ئۇلار مۇئمىنلاردىن ئەزىز ۋە مەدھىيەگە لايىق ئاللاھقا ئىمان ئېيتقانلىقلىرى ئۈچۈنلا ئىنتىقام ئالاتتى.
8




ئۇ ئاللاھ ئاسمانلارنىڭ ۋە زېمىننىڭ بىردىنبىر ئىگىسى بولغان، ھەر نەرسىنى كۆرۈپ تۇرىدىغان زاتتۇر.
9




شۈبھىسىزكى، مۇئمىن ئەر ۋە مۇئمىن ئاياللارنى قىيناپ، ئاندىن تەۋبە قىلمىغانلار چوقۇم جەھەننەم ئازابىغا دۇچار بولىدۇ، ئۇلارغا يانغىن ئازابى بىلەن ئازاب قىلىنىدۇ.
10




شۈبھىسىزكى، ئىمان ئېيتقان ۋە ياخشى ئەمەللەرنى قىلغانلارغا ئىچىدىن ئۆستەڭلەر ئېقىپ تۇرىدىغان جەننەتلەر بار. بۇ ھەقىقەتەن بۈيۈك مۇۋەپپەقىيەتتۇر.
11




شۈبھىسىزكى، رەببىڭنىڭ جازالىشى بەك قاتتىقتۇر.
12




ئۇ دەسلىپىدە بار قىلىدۇ ۋە قايتا بار قىلىدۇ.
13




ئۇ مەغپىرەت قىلغۇچىدۇر، دوست تۇتقۇچىدۇر،
14




ئەرشىنىڭ ئىگىسىدۇر، ناھايىتى ئۇلۇغدۇر،
15




ئىرادە قىلغىنىنى قىلغۇچىدۇر.
16




ساڭا قوشۇنلارنىڭ خەۋىرى كەلدىمۇ؟
17




فىرئەۋنىڭ ۋە سەمۇدنىڭ.
18




بەلكى كافىرلار راستنى يالغان دېيىشىۋاتىدۇ.
19




ئاللاھ ئۇلارنىڭ ئارقىسىدىن قورشاپ تۇرغۇچىدۇر.
20




بەلكى ئۇ[3] ئۇلۇغ قۇرئاندۇر،
21




لەۋھى مەھپۇزدىدۇر.‏
22




Quran Uyghur Translation - www.uyquran.com - قۇرئان كەرىم ئۇيغۇرچە ئىزاھلىق تەرجىمىسى تور بىكىتى