ئۇيغۇرچە قۇرئان كەرىم توربىكىتى logo

بِسْمِ اللهِ الرَّحْمٰنِ الرَّحِيمِ‎

89- سۈرە فەجر مەككەدە نازىل بولغان، 30 ئايەت

فەجر بىلەن[1]،
1




ئون كېچە بىلەن[2]،
2




جۈپ ۋە تاق بىلەن
3




ۋە ئۆتكەن چاغدىكى كېچە بىلەن قەسەمكى،
4




بۇ نەرسىلەردە ئەقىل ئىگىسى ئۈچۈن ئەلۋەتتە قەسەم بار.
5




كۆرمەمسەن، رەببىڭ ئاد قەۋمىگە قانداق مۇئامىلە قىلدى؟
6




تۈۋرۈكلەرنىڭ ئىگىسى ئىرەمگە؟-
7




ئۇ شەھەرلەر ئىچىدە ئوخشىشى يارىتىلمىغان يۇرتتۇر-
8




ۋادىدا قورام تاشلارنى كەسكەن سەمۇد قەۋمىگە قانداق مۇئامىلە قىلدى؟
9




ۋە قوزۇقلارنىڭ ئىگىسى فىرئەۋنگە قانداق مۇئامىلە قىلدى؟
10




ئۇلار شۇنداق كىشىلەركى، شەھەرلەردە ھەددىدىن ئاشتى،
11




ئۇ يەرلەردە بۇزغۇنچىلىقنى كۆپ قىلدى.
12




شۇنىڭ بىلەن رەببىڭ ئۇلارنىڭ ئۈستىگە ئازاب قامچىسى ياغدۇردى.
13




شۈبھىسىزكى، رەببىڭ كۆزىتىپ تۇرماقتىدۇر.
14




ئىنسانغا كەلسەك، رەببى ئۇنى سىناپ ئەزىز قىلغان ۋە ئۇنىڭغا نېمەت بەرگەن چاغدا: «رەببىم مېنى ئەزىز قىلدى» دەيدۇ.
15




ئەمما رەببى ئۇنى سىناپ رىزقىنى تار قىلغان چاغدا: «رەببىم مېنى خار قىلدى» دەيدۇ.
16




ئۇنداق ئەمەس[3]، بەلكى سىلەر يېتىمنى ئىززەتلىمەيسىلەر.
17




مىسكىنگە تائام بېرىشكە تەشۋىقمۇ قىلمايسىلەر.
18




مىراسنى ھالال-ھارام دېمەستىن يەيسىلەر.
19




مالنى بەك ياخشى كۆرىسىلەر[4].
20




ئۇنداق قىلماڭلار! زېمىن ئارقىمۇئارقا تەۋرىتىلگەن چاغدا،
21




رەببىڭ ۋە سەپ-سەپ پەرىشتە كەلگەن چاغدا،
22




ئۇ كۈنى جەھەننەم كەلتۈرۈلگەن چاغدا، ئەنە شۇ كۈندە ئىنسان ئەسلەيدۇ. لېكىن بۇ ئەسلەشنىڭ ئۇنىڭغا قانداقمۇ پايدىسى بولسۇن![5]
23




ئۇ: «كاشكى، ھاياتىم ئۈچۈن تەييارلىق قىلغان بولسامچۇ!» دەيدۇ.
24




ئۇ كۈندە ھېچكىم ئاللاھ ئازابلىغاندەك ئازابلىيالمايدۇ،
25




ھېچكىم ئاللاھ باغلىغاندەك باغلىيالمايدۇ.
26




ئى ئارام تاپقۇچى نەفس![6]
27




رازى بولغان ۋە رازى بولۇنغان[7] ھالدا رەببىڭنىڭ ھۇزۇرىغا قايتقىن،
28




بەندىلىرىمگە قوشۇلغىن
29




ۋە جەننىتىمگە كىرگىن.
30




Quran Uyghur Translation - www.uyquran.com - قۇرئان كەرىم ئۇيغۇرچە ئىزاھلىق تەرجىمىسى تور بىكىتى