ئۇيغۇرچە قۇرئان كەرىم توربىكىتى logo

بِسْمِ اللهِ الرَّحْمٰنِ الرَّحِيمِ‎

94- سۈرە ئىنشىراھ مەككەدە نازىل بولغان، 8 ئايەت

ئى مۇھەممەد! بىز سېنىڭ كۆكسۈڭنى كەڭ قىلمىدۇقمۇ؟
1




سەندىن ئېغىر يۈكۈڭنى ئېلىپ تاشلىدۇق.
2




ئۇ يۈك بىلىڭنى ئېگىۋەتكەن ئىدى.
3




شۇنىڭدەك، بىز سېنىڭ شۆھرىتىڭنى ئۈستۈن قىلدۇق.
4




دېمەككى، ھەر مۈشكۈللۈك بىلەن بىللە بىر ئاسانلىق بار.
5




شۈبھىسىزكى، ئۇ مۈشكۈللۈك بىلەن بىللە يەنە بىر ئاسانلىق بار.
6




ئۇ ھالدا بىر ئىشتىن بوشىغان چېغىڭدا، يەنە بىر ئىشقا كىرىشكىن.
7




پەقەت رەببىڭگە يۆنەلگىن.
8




Quran Uyghur Translation - www.uyquran.com - قۇرئان كەرىم ئۇيغۇرچە ئىزاھلىق تەرجىمىسى تور بىكىتى