ئۇيغۇرچە قۇرئان كەرىم توربىكىتى logo

بِسْمِ اللهِ الرَّحْمٰنِ الرَّحِيمِ‎

96-سۈرە ئەلەق مەككەدە نازىل بولغان، 19 ئايەت

ياراتقان رەببىڭنىڭ ئىسمى بىلەن ئوقۇغىن!
1




ئۇ ئىنساننى يېپىشقاق قاندىن ياراتتى.
2




ئوقۇغىن! رەببىڭ ئەڭ سېخىيدۇر.
3




ئۇ شۇنداق زاتكى، قەلەم بىلەن ئۆگەتتى،
4




ئىنسانغا ئۇنىڭ بىلمىگىنىنى ئۆگەتتى.
5




ياق! شۈبھىسىزكى، ئىنسان ھەددىدىن ئاشىدۇ،
6




ئۆزىنى بىھاجەت كۆرگەنلىكى ئۈچۈن.
7




شۈبھىسىزكى، قايتىپ بارىدىغان جاي رەببىڭنىڭ ھۇزۇرىدۇر.
8




شۇ ئادەمنىڭ ھالىنى كۆردۈڭمۇ: ئۇ چەكلەۋاتىدۇ،
9




ناماز ئوقۇۋاتقان بەندىنى.
10




كۆردۈڭمۇ؟ ئەگەر ئۇ بەندە توغرا يولدا بولسا،
11




ياكى تەقۋادارلىققا ئەمر قىلسا،
12




كۆردۈڭمۇ؟ ئەگەر ئۇ ئادەم راستنى يالغان دېسە ۋە يۈز ئۆرۈسە[1].
13




ئۇ ئادەم ئاللاھنىڭ كۆرۈپ تۇرىدىغانلىقىنى بىلمەمدۇ؟
14




ئۇ يانسۇن[2]! ئەگەر يانمىسا ئۇنىڭ كوكۇلىسىدىن تۇتۇپ سۆرەيمىز،
15




يالغانچى ۋە خاتالىق ئۆتكۈزگۈچى كوكۇلىسىدىن.
16




ئۇنداقتا ئۇ ئۆز تەرەپدارلىرىنى چاقىرسۇن.
17




بىز زەبانىيلەرنى چاقىرىمىز.
18




ياق![3] ئۇنىڭغا ئىتائەت قىلمغىن، سەجدە قىلغىن ۋە يېقىنلاشقىن[4].
19




Quran Uyghur Translation - www.uyquran.com - قۇرئان كەرىم ئۇيغۇرچە ئىزاھلىق تەرجىمىسى تور بىكىتى